БИШКЕК, 10-янв. — Sputnik. АКШнын жаңы шайланган президенти Дональд Трамп күйөө баласы Жаред Кушнерди өзүнүн улук кеңешчиси кылып дайындайт. Бул тууралуу РИА Новости президенттин штабынын билдирүүсүнө таянып маалымдады.
Трамп күйөө баласы тууралуу "Кушнер ишкерлик жана саясат жаатында аябагандай жетишкен, ийгиликтүү адам болуп саналат" деп айтып жүргөнү белгилүү.
Айрым маалыматтарга караганда Кушнер Жакынкы Чыгыш менен соода келишимдери боюнча иш алып барышы ыктымал. Ал эми кызы Иванка компаниянын жетекчилик кызматынан убактылуу кетип, балдары менен болот.
Жаред Кушнер жана Иванка Трамп атасына таасири чоң эң жакын кеңешчилеринин бири.
Буга чейин белгилүү болгондой, жаңы президент 11-январда өлкөнү башкаруу жана ишкерлик боюнча атайын маалымат жыйынын өткөрөт.
