Манас Султанов: кыргыз аргымагын калыбына келтирүү үчүн Монголияга да бардым
Кыргыз аргымактарын калыбына келтирүү үчүн Монголияга барып, тарых барактарын изилдеп келгенин КРдин Ат спорту боюнча федерациясынын вице-президенти Манас Султанов Sputnik Кыргызстан агенттигине билдирди.
"Кыргыз аргымагын калыбына келтирүү иштерин баштаганыма 15 жылдай убакыт болду. Ошол кезде кыргыз аргымактары жокко эсе болуп калган. Таза кандуу кыргыз аргымактары кандай болгонун Алтайга, Монголияга барып тарыхый документтерди изилдеп жүрүп аныктадык", — деди Султанов.
Анын айтымында, азыр толугу менен калыбына келтирилген кыргыз аргымактары Монголия, Кытай сыяктуу чет өлкөлөргө экспорттолуп жатат.
