БИШКЕК, 29-дек. — Sputnik. Баткендеги жетим балдардын үй-бүлөлөрүнө жардам катары 14 тигүүчү машина берилди. Бул тууралуу Баткен казыятынын басма сөз катчысы Фуркат Авлиёев билдирди.
Маалыматка ылайык, Баткен облусунда жашаган жетим балдар үчүн кайрымдуулук иши уюштурулган. Анын алкагында 25 миң сомдук 14 тигүүчү машина Лейлек менен Баткен районундагы беш жана Кызыл-Кыя шаарындагы төрт үй-бүлөгө берилген.
Иш-чара Баткен шаарында өтүп, жардамга муктаж балдарды аныктоого жергиликтүү казыят көмөктөшүп, ишке ашуусуна Бүткүл дүйнөлүк жаштар ассамблеясы каржылык колдоо көргөзгөн.
