БИШКЕК, 22-дек. — Sputnik. Кыргызстандын футбол боюнча курама командасы 122-орунга ээ болуп, Футболдун эл аралык ассоциациясынын (FIFA) тизмесиндеги абалын жакшыртты.
27 Жетинин айы 2016, 14:00
Эскерте кетсек, өткөн айдын рейтингинде 124-орунду ээлеп келген. Декабрдын жыйынтыгы менен 9 сапка көтөрүлүп, 92-орунга чыккан Руанда командасы мыкты деп аталды. Ал эми 26 орунга төмөндөп, 151-сапка түшүп кеткен Кубанын курамасы эң начар команда деп табылды.
Рейтингдин алдыңкы үч сабы өзгөрбөстөн калып, аны Аргентина, Бразилия жана Германия ээлеп турат.
Кыргызстандын футболчулары декарбда бир да оюн өткөргөн эмес.
