Токтогул ГЭСин реконструкциялоого бөлүнгөнү 450 миллион доллардын бардыгы сарптала электигин Улуттук энергетикалык холдингдин жетекчисинин орун басары Нурлан Садыков Sputnik Кыргызстан агенттигине билдирди.
"Биринчиден, негизги ремонт 2017-жылдын 1-апрелинен тарта башталат. Экинчиден, Токтогул ГЭСи уникалдуу, анын ар бир агрегаты Советтер Союзу маалында өзүнчө долбоор менен курулган. Атайын заказ берип, жасалуу убактысын күтүп туруп анан алышыбыз керек", — деди Садыков.
Ошондой эле орун басар ГЭСте авария болбогонун, №2 генератордун ишинде мүчүлүштүктөр байкала баштаганда токтотуп коюшканын кошумчалады.
Бүгүн депутат Рыскелди Момбековдун парламентте Улуттук энергетикалык холдинг Токтогул ГЭСиндеги реконструкция иштерине 450 миллион доллар сарптаганын айтып, авариянын себептерине кызыккан.
