БИШКЕК, 22-дек. — Sputnik. Кыргызстандын алты, Россиянын бир жараны Москванын аймагында "Таблиги жамаат" тобунун иштери менен кармалды. Бул туурасында РИА Новости күч түзүмдөрүндөгү маалымат булактары кабарлагандыгын жазды.
"Кыргызстандын алты, Россиянын бир жараны кармалды", — деп айткан маалымат булагы.
Кармалган бул уюмдун бул мүчөлөрү жаңы тарапташтарын таап, өздөрүнүн идеологиясына сугарып, тыюу салынган диний адабияттарды окуп, Россияда халифат түзүү пландарын талкуулап келишкен деп айтылат маалыматта.
Аларга азгырылгандар Афганистан менен Пакистанда окуудан өтүш үчүн жиберилген деп жазды агенттик.
Россияда "Таблиги жамаат" уюмунун ишмердүүлүгүнө 2009-жылы тыюу салынган. Бул боюнча документте аталган уюм өлкөнүн мамлекеттүүлүгүнө жана жарандардын коопсуздугуна коркунуч жаратат деп айтылган. Андан сырткары эл аралык террордук топтор менен алака-катнашта деген баа берилген.
