Акылбек Жапаров: ар кыл лицензияларды берүүнү токтотуу керек
"Бир Бол" фракциясынын депутаты Акылбек Жапаров мамлекеттик лицензия берүүнү токтотуу тууралуу пикирин парламентте телекөрсөтүүлөр тууралуу мыйзам долбоору каралып жатканда билдирди.
Белгилей кетсек, аталган мыйзам долбоору санариптик телекөрсөтүүлөрдүн өнүгүшүн шарттайт.
"Биз мамлекеттик лицензия берүүнү азайтышыбыз керек. Ар бир ведомство жаңы лицензия киргизип, акча алалы деп жатат да. Өкмөт мүчөлөрүнүн эсине салып коеюн, 1-январдан тартып бюджеттик кодекс иштеп баштайт. Силердин лицензияңар, штрафыңар парламенттин уруксаты менен иштейт", — деди Жапаров.
Аталган мыйзам долбоору экинчи окууда добуш берүүгө жөнөтүлдү.
