БИШКЕК, 8-дек. — Sputnik. "Жасалма полиция" маселесин чечүүнү мэрия колго алып жатканын калаа башчысы маалымат жыйыны учурунда билдирди.
Мэрдин айтымында "жасалма полициянын" бийиктиги 7 сантиметр, туурасы 20 сантиметр. Ал шаар тургундарынын суранычы менен жол чырагы жок аймактарга коюлууда. Бирок, жааган кардан кийин аларды алуу боюнча бир нече кайрылуулар келип түшкөн.
"Биз анын жаңы жолун карап жатабыз. Бир институт "жасалма полициянын" бийиктигин мурдагыдай калтырып, узундугун 3 метрге чейин жеткирүүнү сунуштап жатат. Ал автоунаанын ылдамдыгын төмөндөтүүгө жардам берет", — деди Ибраимов.
Ал ошондой эле учурда ар биринин баасы 2 100 сом турган 80 объекти алынганын кошумчалап, аларды толук алып салуу болбой турганын, себеби Бишкекте жылуу убак 8 айга чейин созулаарын билдирди.
