БИШКЕК, 27-ноя. — Sputnik. Октябрдын жыйынтыгы боюнча Кыргызстанда эл аралык валюталык резерв 34 миллион 970 миң долларга кыскарган. Бул тууралуу Улуттук банктын расмий сайты маалымдады.
Октябрь айында улуттук банк валютаны саткан да, сатып да алган эмес.
30-сентябрга Кыргызстандын акча алмаштыруу резерви — 1 миллиард 979 миллион, ал эми октябрь айынын аягында 1 миллиард 944 миллион 30 миң долларды түзгөн.
Валюта запасынын кыскарганы менен жылдын башында жакшы көрсөткүч сакталган. Өлкөнүн валюта резерви 165,77 миллион сомго өскөн.
Алар эл аралык эсептерди жана төлөмдөрдү ишке ашырууга, улуттук валюта курсун турукташтырууга колдонулат. Эл аралык валюта резерви алтындан, ар кайсы өлкөлөрдүн валютасынан жана Эл аралык валюталык фондунун валютасынан турат.
