БИШКЕК, 26-ноя.— Sputnik. Кышкы бут кийимдердин дээрлик бардыгы тайгак жерде кооптуу. Бул тууралуу РИА Новости Rate My Treads агенттигине шилтеме берүү менен жазып чыкты.
Канададагы Торонто университетинин окумуштуусу Жеофф Фернинин айтымында окумуштуулар 98 маркадагы өтүктөрдү тесттен өткөргөн.
"Тест учурунда 90дон ашуун марканын өтүктөрү кышкысын тайгалак экендиги аныкталды. Бул адамдар үчүн кооптуу", — деп жазылат маалыматта.
Окумуштуулар көптөгөн адамдардын тайгаланып жыгылып ооруканага кайрылуусу күч алгандан кийин иликтөө чечимине келишкен.
