БИШКЕК, 25-ноя. — Sputnik. Кыргызстанда дем алыш күндөрү кар жаап, жолдор тайгак болот. Бул тууралуу ӨКМ Кыргызгидрометге шилтеме берип маалымдады.
25 Жетинин айы 2016, 20:12
Синоптиктердин айтымында, 26-ноябрь түнү өлкөнүн көпчүлүк аймактарында Чүй, Ош, Жалал-Абад жана Нарын облустарында аба-ырайы өзгөрүлүп турат. Жолдор тайгак болуп, муз тоңот. Шамалдын ылдамдыгы секундасына 4-9 метрди түзөт.
Ал эми келе жаткан дүйшөмбүдө 28-ноябрда жаан чачын күтүлбөйт. Чүй, Талас, Ош, Жалал-Абад жана Баткен облустарында туман каптап, жолдор тайгак болот. Шамалдын ылдамдыгы секундасына 2-7 метрге жетет.
29-30-ноябрда жаан чачын күтүлбөйт. Жолдор тайгак болуп, муз тоңот.
