БИШКЕК, 20-ноя. — Sputnik. ИИМдин 10-башкармалыгы тарабынан Бишкектеги бир катар орто мектептин окуучуларына экстремизм жана терроризмдин алдын алуу багытында лекциялар окулганын аталган министрлик билдирди.
Иш-чаранын алкагында борбор калаадагы беш мектептин 9-11-класстарынын окуучулары үчүн "Экстремизм жана социалдык жоопкерчилик" темасында экстремизм, радикализм, фундаментализм жана терроризм тууралуу түшүнүк берилген.
"Лекцияда бул кѳйгѳйлѳрдүн алдын алууда жаштардын ролу айтылды. Жыйында окуучулар тарабынан интернет аркылуу согуш талааларына азгыруу иштери жүргүзүлгѳндүгү аларды коопсуздандырганын белгилеп кетишти", — деп айтылат маалыматта.
Семинарга Ысык-Көл ОИИБдин жашы жете электер менен иштөө инспекциясы жана 10-башкармалыгынын кызматкерлери катышып, "Радикализмдин түп-тамыры жана заманбап коркунучтар", "Орто Азия жана Кыргызстанда диний-экстремисттик уюмдардын ишмердүүлүгү", "КРдеги Ислам жамааты", "Күнүбүздөгү геополитикада диний манипуляциялар", "Экстремизди алдын алууда укуктук негиздер", "Интернет түйүнүндөгү диний экстремизмдин алдын алуусундагы өзгөчөлүктөрү" аттуу темалар талкууга алынды.
