БИШКЕК, 17-ноя. — Sputnik. НАТОнун Орто Азиядагы өлкөлөр менен байланыш түзгөн Ташкенттеги кеңсеси 2017-жылдын апрель айында жабылат. Бул тууралуу РИА Новости жазып чыкты.
Маалыматка ылайык, бул кадам аталган аймактагы альянстын структуралык өзгөрүүсүнөн улам жасалууда.
"Аймактык кеңсе 2017-жылдын 31-мартына чейин иштейт. Андан соң Орто Азия менен болгон байланыш Брюсселдеги кеңсе аркылуу жүргүзүлөт", — деп айтылат маалыматта.
Эске сала кетсек, буга чейин НАТОнун Орто Азиядагы кеңсесинин жетекчиси Розария Пульизи ferghana.ru агенттигине аймактык кеңсе бюджеттин айынан жабылып жаткандыгын айтып, саясий жүйөө жок экенин кошумчалаган.
Аталган кеңсе 2014-жылы Ташкентте ачылган.
