БИШКЕК, 15-ноя. — Sputnik. 16-ноябрда саат 09:00дөн 15:00г- чейин Бишкек шаарынын бир катар аймактарында таза суу берүү токтотулат. Бул тууралуу мэриянын маалымат кызматы билдирди.
"Белинский" суу кампасынын оңдоп түзөө иштерине байланыштуу Бишкектин Калык Акиев, Күреңкеев, Логвиненко, Панфилов, Абдрахманов, Абдымомунов көчөлөрүндө жана Чүй менен Жибек Жолу проспектилеринде муздак суу берилбейт.
"Бишкексууканал" башкармалыгы аталган аймактын тургундарына таза сууну алдын ала камдап алууну эскертет.
