БИШКЕК, 30-окт. — Sputnik. Эл аралык космостук станция экипажынын үч мүчөсү Казакстанга конгонун РИА Новости жазып чыкты.
Анатолий Иванишин (Россия), Такуя Ониши (Япония) жана Кэйтлин Рубинс (АКШ) орбитада 40 илимий тажрыйба жүргүзгөн. Изилдөөнүн көпчүлүгү космостук чөйрөнүн тирүү организмдер менен материалдарга тийгизген таасирине байланыштуу болгон. Тажрыйбаларды жүргүзүүдөн тышкары "Союз МС" кемесинин башкаруу системасы тестирленген.
Үстүбүздөгү жыл ичинде космоско болгон акыркы учуу 17-ноябрга белгиленген. "Союз-03" кемеси Байконур космодромунан учат. Орбитага россиялык Олег Новицкий, ESA менен NASA астронавттары Тома Песке менен Пегги Уитсон жөнөйт.
