БИШКЕК, 29-окт.— Sputnik. Мосулдагы аскердик операциядан улам эки жуманын ичинде 16,5 миң адам турак жайын таштап кетүүгө мажбур болду. Бул тууралуу Миграция иштери боюнча эл аралык уюмга таянып РИА Новости жазды.
Миграция иштери боюнча эл аралык уюмдун берген маалыматтары боюнча 17-октябрда башталган Мосулдагы аскердик операциядан 2761 үй-бүлө же 16 миң 566 адам көчүрүлгөн.
Эскерте кетсек, 17-октябрь түнү Ирактын премьер-министри Хайдер аль-Абади Мосулду бошотуу үчүн аскердик операция башталганын билдирген. Ирактын аскердик күчтөрү, полиция кызматкерлери жана АКШ башында турган коалиция күчтөрү шаарга массалык түрдө кирген.
