Дарыгер Бегай Үмөтова: 40 жашында үч эм төрөгөн аялдын абалы жакшы
Маалыматка ылайык, Капарбек Исаев менен Айгүл Чотурованын буга чейин төрт уул, бир кызы бар болчу. Эми алар жети эркек, бир кыздын ата-энеси болушту.
Нарын облустук оорукананын төрөт бөлүмүнүн башчысы Бегай Үмөтова эненин ден соолугу азыр жакшы экенин айтты.
"Бизге 24-октябрда күндүз толгоом башталды деп келген. Биринчи баласы төрөлгөндөн кийин үч эм экенин билдик. Балдар 36 жумалык болуп төрөлдү, булар ара төрөлгөн балдардын катарына кирет. Бирөөсүнүн салмагы 1,9 кг, экөөсүнүкү 1,7 килограмм", — деди дарыгер.
Ал ошондой эле бул райондун тарыхында үч эм төрөлгөн экинчи учур экенин кошумчалады. Биринчи жолу үч эм 2008-жылы жарыкка келген.
