БИШКЕК, 28-окт. — Sputnik. Япониянын калкынын саны биринчи жолу 1920-жылдан тарта төмөндөй баштаган. Ал эми 75 жаштан ашкан япондордун саны өлкөдөгү 15 жашка чейинки балдардын жана өспүрүмдөрдүн санынан биринчи жолу ашып кетти. Бул тууралуу РИА Новости билдирди.
Мындай маалымат Япониянын Ички иштер жана коммуникация министрлиги тарабынан жүргүзүлгөн эл каттоо жараянынын жыйынтыгы менен белгилүү болгон.
Аталган билдирүүдө өлкөнүн калкынын саны 127,9 миллион адамды түзөрү, анын ичинен 61,8 миллиону эркек жана 65,2 миллиону аял экендиги айтылат.
Жалпы калк санынын ичинен 65 жаштан жогору жаштагы япондуктар 26,6%, 75 жаштан жогору жарандар 12,8% жана 15 жашка чейинки балдар болсо 12,6 пайызды түзгөн.
