БИШКЕК, 26-окт. — Sputnik. Бишкектин Ахунбаев жана Малдыбаев көчөлөрүнүн кесилишинде ири көлөмдөгү жолбун ит жортуп жүргөнүн Sputnik Кыргызстан агенттигинин WhatsApp-каналы аркылуу окурман билдирди.
"Ахунбаев көчөсүндө каргысы, тумшук кабы жок жүргөн итти үч күн катары менен көрдүм. "Азиат" породасында. Жолбун окшойт. Кандайдыр бир чара көрүлүп жатат болду бекен", — деп суроо салат ал.
Окурман бүгүн эртең менен бул боюнча Бишкек мэриясынын 185 ыкчам кызматына маалымат бергенин кошумчалады.
Sputnik Кыргызстан агенттиги аталган маселе боюнча мэриянын маалымат кызматына кайрылды. Ал жактан "Тазалык" ишканасына тапшырма берилгени, адистер айтылган аймакка жөнөп кеткени тууралуу жооп келди.
Эгер кандайдыр бир өзгөчө окуяга же жаңылыкка күбө болсоңуз WhatsApp-каналга +996 706 566 544 номери боюнча кабарласаңыз болот.
