Атамбаев: өзбек эли президенттикке Шавкат Мирзиёевди шайлап аларына үмүт артам

© Sputnik / Сергей Субботин / Медиабанкка өтүүӨзбекстандын президентинин милдетин аткаруучу Шавкат Мирзиеевдин архивдик сүрөтү
Өзбекстандын президентинин милдетин аткаруучу Шавкат Мирзиеевдин архивдик сүрөтү - Sputnik Кыргызстан
Жазылуу
Атамбаев Кытайдан тышкары Япония, Франция, Шри-Ланка, Ирландия, Австрия, Ватикан жана Молдова мамлекеттеринин элчилеринен ишеним грамоталарын кабыл алды.

БИШКЕК, 26-окт. — Sputnik. Бүгүн, 26-октябрь күнү президент Алмазбек Атамбаев тогуз өлкөнүн элчилеринен ишеним грамотасын кабыл алып, аталган мамлекеттер менен Кыргызстандын ортосундагы мамилеге токтолду. Бул тууралуу өлкө башчынын маалымат кызматы билдирди.

Атамбаев Кыргызстан менен Кытайдын мамилеси тууралуу айтып жатып, Кытай эч бир талап-шарт таңуулабастан Кыргызстандын өнүгүүсүнө көмөк көрсөтүп келген мамлекет экенин белгиледи.

"Бийликте турган беш жыл аралыгында Кытай Кыргызстан таяна турган ишенимдүү коңшу экенин айтып келем. Кандай гана жардам сурабайын, Кытай Эл Республикасынын төрагасы Си Цзиньпин эч убакта "жок" деген эмес", — деди президент.

Ал ошондой эле бүгүнкү күндө Кытай — Кыргызстан — Өзбекстан темир жолунун курулушу орчундуу маселе экенин айтты.

"Өзбек эли президенттикке Шавкат Мирзиёевди шайлап аларына ишеним артам. Айрым бир себептер менен токтоп турган бир нече долбоорлорду Кытайдын да, Кыргызстандын да, Өзбекстандын да кызыкчылыгын эске алуу менен ишке ашырууга мезгил жетти", — деди президент.

Атамбаев Кытайдан тышкары Япония, Франция, Шри-Ланка, Ирландия, Австрия, Ватикан жана Молдова мамлекеттеринин элчилеринен ишеним грамоталарын кабыл алды.

Жаңылыктар түрмөгү
0