БИШКЕК, 26-окт. — Sputnik. АКШнын мамлекеттик катчысынын орун басары Томас Шеннон Кыргызстанга келгени тууралуу Тышкы иштер министрлигинен кабарлашты.
Билдирмеге караганда, Шеннон алгачкы жолугушууларды өткөрдү.
"Тышкы иштер министринин орун басары Эмил Кайкиев Томас Шеннон менен жолукту. Эки тарап Кыргызстан менен АКШнын кызматташуусу тууралуу маселелерди талкуулашты", — деп айтылат маалыматта.
Кайкиев менен Шеннон Кыргызстан менен АКШнын ортосундагы дипломатиялык мамилелердин 25 жылдыгына карата өткөрүлүп жаткан иш-чараларга оң баасын бергени белгиленет.
