КОЧКОР-АТА, 21-окт. — Sputnik. Жалал-Абаддын Кочкор-Ата шаарында "Кыргызнефтегаз" ишканасынын кызматкерлери митингге чыкканын Sputnik Кыргызстан агенттигинин кабарчысы жеринен билдирди.
Анын айтымында, кызматкерлер ишкананын жетекчиси Жеңиш Жумашевдин кызматтан кетиши мүмкүн деген сөздөргө нааразы болуп жатышат.
"Жумушчулар жетекчинин жакшы иштеп жатканын айтышууда. Азыр чогулуп, өздөрүнүн пикирлерин айтып жатышат", — дейт кабарчы.
Алдын ала маалыматтар боюнча аталган ишканага жетекчи болуп "Республика —Ата-Журт" фракциясынан депутат Нургазы Нишановдун келиши мүнкүн экени айтылууда.
Ал эми эл өкүлү Нургазы Нишанов анын бул тууралуу маалыматы жок экенин билдирди.
"Менин бул тууралуу билбейт экем. Айтылып жаткан кызматка дайындоо боюнча мага сунуштар дагы түшкөн эмес", — дейт ал.
Учурда Кыргызнефтегаз" ишканасынын алдында кызматкерлери митингди улантууда.
