БИШКЕК, 15-окт. — Sputnik. Кыргыз-өзбек чек арасына делимитациялоо жана демаркациялоо боюнча иштерде жылыш бар экенин вице-премьер Жеңиш Разаков Sputnik Кыргызстан агенттигине билдирди.
Өзбекстандын тышкы иштер министрлиги жума күнү билдиргендей, Кыргызстан менен Өзбекстандын өкмөттөрүнүн чек ара боюнча жумушчу тобу 5-14-октябрда 55 аймакты барып көргөн.
Ал эми сентябрда 23 аймакка барышкан.
"Жыйынтыктар тууралуу айтуу азырынча эрте. Өзбекстан биргеликте иштөөгө барып жатканы жакшы көрүнүш. Сентябрдан бери жумушчу топ төрт ирет жолукту. Эң башкысы — көйгөйдү чечүү боюнча иштерде жылыш бар", — деди Разаков.
Сүйлөшүүлөрдө улуттук кызыкчылыктардын сакталышы мааанилүү экенин вице-премьер баса белгиледи.
Кыргыз-өзбек чек арасынын жалпы узундугу 1 378 чакырым болсо, анын 1 058и аныкталган.
