Турганбаев 51-55 курактагы ардагерлер арасындагы 76 килограммга чейинки салмактык категорияда күрөшкө чыккан. Чейрек финалда Турганбаев түркиялык Зафер Койан менен күрөшүп, аны 4:2 эсебинде утуп алган. Ал эми жарым финалда япониялык атаандашынан 1:2 эсебинде утулуп, бирок коло медаль алуу мүмкүнчүлүгүнө ээ болгон.
Чечүүчү кармашта экс-министр польшалык Сильвестр Петро Сзыманскийге каршы чыгып, беттешүү 11:0 эсебиндеги жеңиш менен аяктады.
"35-жылдан бери килемге чыкпай бир аз ыкмаларды унутуп калыптырмын. Биринчи кармашым оор болду. Бирок утуп алдым. Япон балбаны менен да кармаш жеңил болгон жок. Тилекке каршы, утулуп калдым. Негизи турнир жогорку деңгээлде өттү", — деди Турганбаев.
Турганбаевден сырткары 97 килограмм салмактык категориядагы ардагерлер арасындагы беттеште Чынарбек Изабеков алтын медалга ээ болсо, 58 килограмм салмак категориясында Басылбек Мамытбеков коло медаль тагынды.
