БИШКЕК, 11-окт. — Sputnik. Дүйшөмбү күнү БУУнун башкы катчысы Пан Ги Мун 65 өлкөдө терроризм менен байланышкан кылмыштар үчүн колдонулган өлүм жазасына каршы пикирин билдирип чыккандыгы тууралуу РИА Новости жазып чыкты.
"Өлүм жазасын XXI кылымда колдонууга орун жок. Террорго багытталган каршы иш-чаралар, ошондой эле коопсуздук күчтөрү адам укуктарын жана мыйзам үстөмдүгүн урматтоого тийиш", –– деп билдирет БУУнун сайтында дүйнөдөгү өлүм жазасына каршы күнүнө карата.
Пан Ги Мундун айтымында, соттолгондордун өлүм жазасы алардын жолдоочуларына пропоганда максатында колдонулат. Ал өлүм жазасын колдонуп терроризм менен күрөшөбүз деген адамдардын ою менен макул эместигин билдирди.
БУУнун башкы катчысы ошондой эле баардык жагдайларда жана жерлерде өлүм жазасын алып салуу боюнча ишти улантууга чакырды.
