БИШКЕК, 10-окт. — Sputnik. КРдин Футбол федерациясы Кыргызстан —Түркмөнстан оюнуна кыздарга билет бериле турганын федерациянын маалымат кызматы билдирди.
БУУнун Башкы ассамблеясы 11-октябрды эл аралык кыздар күнү деп жарыялаган.
Ал эми эртең Бишкекте Кыргызстан — Түркмөнстан футболчуларынын ортосунда жолдоштук беттеш өткөрүлөт.
Аталган оюнду көрүүнү каалаган кыздарга, тактап айтканда футбол күйөрмандарына белекке билет ыйгарылып, аны алуунун шарт-жобосун федерация Facebook баракчасында белгиледи.
Билетти КРдин Футбол федерациясынан алууга болот.
