Замир Сыдыков: мектеп директору милицияга пара берип жатып кармалды
Сыдыковдун айтымында, директор ишти тергөөсүз бүтүрүү үчүн милиция кызматкерлерине пара сунуштаган.
"Ош шаарынын тургунунун арызы боюнча мектепте текшерүү иштери жүргүзүлгөн. Натыйжада Россияда иштеп сабакка катышпаган алты окуучуга орто мектепти аяктагандыгы тууралуу аттестатты тапшыруу буйругу берилгени аныкталды. Мектептин директору маселени тергөөсүз чечүү үчүн милиция кызматкерлерине 100 доллар сунуштаган. Ал ошол акчаны берип жаткан жеринен кармалды", — деди Сыдыков.
Аталган фактыга ылайык директорго кошумча дагы 314-пара берүү беренеси боюнча кылмыш иши козголду. Шектүүдөн сыртка чыкпоо тууралуу тил кат алынган.
