БИШКЕК, 10-окт. — Sputnik. 11-октябрда өлкө аймагында күн ачык болуп, батыштан соккон шамалдын ылдамдыгы секундасына 3-8 метрге жетерин Кыргызгидромет билдирди.
Бишкек шаарында күн 24 градус жылыса, Ош шаарында 26 градуска чейин көтөрүлөт. Ал эми Таласта — 25, Жалал-Абад, Баткен облусунун дыйканчылык аймактарында — 28, Ысык-Көлдө — 21 жана Нарын облусунда 23 градуска чейин жылуу болот.
14-октябрда күндүз абанын күндүзгү температурасы төмөндөп, Чүй, Талас, Ысык-Көл, Нарын облустарынын дыйканчылык аймактарында 5…10, Ош, Жалал-Абад, Баткен облустарынын өрөөндөрүндө 10…15 жылуу, ал эми тоолуу райондордо 2…7 градус суук болот. Мындай жаан-чачындуу аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда мал кармоону кыйындатат.
15-октябрда түнкүсүн Чүй, Талас, Ош, Жалал-Абад, Баткен, Ысык-Көл облустарынын дыйканчылык аймактарынын айрым жерлеринде 1…3 градус суук болот. Мындай үшүктүн жүрүшү жыйналбаган жашылчага, мөмө-жемиштерге жана казылып алынган картошка, кант кызылчасы үчүн коркунучтуу.
