Рита Карасартова: эми шаардык сотко арызданам
Буга чейин, 27-сентябрда Карасартова ЖКнын Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитетинин Баш мыйзамды өзгөртүү боюнча референдум өткөрүү тууралуу мыйзам долбоорун кабыл алган чечимин жокко чыгаруу үчүн сотко арыз жазган.
"Тилекке каршы, 3-октярбда сот менин арызымды кабыл албагандыгын кабарлады. Негиз катары ЖКнын комитетинин чечими укуктук ченемдик акт болбойт дешүүдө. Биз юристтер менен кеңешип туруп, бул маселени Бишкек шаардык сотуна аппеляциялык даттанууга беребиз", — деди Карасартова.
ЖКнын тармактык комитети аталган мыйзамды карап, маселе парламентке чыккан. Референдум өткөрүү үчүн 94 депутат добуш берип, демилге биринчи окууда жактырылган.
