БИШКЕК, 26-сен. — Sputnik. Маданият, маалымат жана туризм министрлиги "Эң мыкты" жана "Эң начар клуб" сынагын жарыялады. Бул тууралуу аталган министрликтен билдиришти.
Аталган конкурс элдин руханий керектөөсүн, муктаждыгы менен эстетикалык мүдөөсүн канааттандырбаган жана жалпы маданий эс алуу иш-чараларын уюштуруучу клуб мекемелеринин начар абалын көрсөтүү максатында уюштурулууда.
Маданият жана искусство тармагын өнүктүрүү, салттуу мурастарды сактоо менен маданият мекемелеринин материалдык-техникалык базасын жакшыртууну көздөгөн сынак 2016-жылдын 25-октябрга чейин өткөрүлөт.
Республикалык кароо-сынакка бардык клубдар катышып, жер-жерлерде жыйынтыгын чыгаруу боюнча комиссия түзүлөт.
Комиссияны курамына жергеликтүү бийликтин, маданият бөлүмдөрүнүн, коомдук уюмдардын, профсоюздардын, мекемелердин өкүлдөрү кирет.
Республикалык комиссия жиберилген маалыматтардын жана протоколдордун негизинде "Эң мыкты" жана "Эң начар клуб" аныкталат.
