БИШКЕК, 23-сен. — Sputnik. Ош облусуна караштуу Кара-Суу районунда пайда болгон чөөлөрдү атып жок кылууда ветеринардык эрежелер сакталбай келгендиги тууралуу Башкы прокуратурадан кабарлашты.
16 Аяк оона 2016, 16:55
Белгилей кетсек, сентябрь айында Кара-Суу районуна караштуу Мамажан айылынын тургундары аймакта чөөлөр пайда болуп алар мүрзөлөрдү казып, маркумдардын сөөктөрүн жеп жатканын билдиришкен. Бул көйгөйдөн арылуу үчүн Жоош айыл өкмөтүнүн мал чарбасы, ветеринария боюнча жетектөөчү адиси Жолдубай Жоробаев аңчылык департаментине кайрылуу жолдогон.
Мындан улам Кара-Суу райондук прокуратурасы чөөлөр тууралуу маалыматты иликтөөгө алган.
"Текшерүүнүн натыйжасында Жоош айыл өкмөтүндө чөөлөрдү көмүүдө ветеринардык эрежелер бузулганы аныкталды. Тагыраагы, аталган айыл өкмөттө атылган чөөлөрдү көмүү үчүн атайын чуңкур бар. Бирок жарандар өзү билгендей көмө беришкен", — деп айтылат маалыматта.
Мындан улам Жоош айыл өкмөтүнүн башчысына Кара-Суу райондук прокуратурасы тарабынан бузулган эрежелерди жоюу тапшырмасы берилди.
