Премьер-министр Сооронбай Жээнбеков айыл-чарба өсүмдүктөрүнө арналган республикалык семинарга катышты.
Бул иш-чара "Талаа күнүнө" карата Чүй облусунун Ысык-Ата районунда өткөн.
Өкмөт башчы кант кызылчасын тамчылатып сугаруу жолу менен өстүрүү процессин көрүп, аларды заманбап техниканын жардамы менен жыйноо процессин көрдү.
Дыйкандар тамчылатып сугаруу ыкмалары менен кургакчылык болгон учурда кыйналбай турганын айтышат. Ошондой эле бул ыкма мол түшүм алууга шарт түзүп, сууну да үнөмдөй турганын баса белгилешти.
