БИШКЕК, 20-сен. — Sputnik. Кыргызстандын президенти Алмазбек Атамбаев 20-сентябрдан 1-октябрга чейин эмгек өргүүсүнө чыкканын мамлекет башчынын маалымат кызматы билдирди.
Эске салсак, Кыргызстандан Нью-Йоркко БУУнун Башкы ассамблеясынын кезектеги жыйынына бараткан учурда президент Алмазбек Атамбаевдин саламаттыгы начарлаганынан улам делегация Стамбулга конууга аргасыз болуп, медициналык алгачкы кароо жасалган болчу.
Кыргызстандык делегацияны АКШга тышкы иштер министри Эрлан Абдылдаев жетектеп кетти.
Медициналык кароодон өткөндөн кийин ал Стамбулдагы мейманкалардын бирине токтогон эле.
