БИШКЕК, 17-сен. — Sputnik. Президент Алмазбек Атамбаевди туулган күнү менен куттуктап телефон чалган Өзбекстандын президентинин милдетин аткаруучу Шавкат Мирзиёев кыргыз-өзбек мамилелерин азыркы абалын сүйлөштү. Бул тууралуу КР президентинин маалымат кызматы билдирди.
Мирзиёев буга чейин кыргыз президентин мааракеси менен кат жүзүндө куттуктап, жакшы каалоолорун билдирген.
Андан соң Өзбекстандын президентинин милдетин аткаруучу Мирзиёев президент Атамбаев менен учурдагы кыргыз-өзбек мамилелерин жана анын келечегин талкуулады.
Бүгүн Кыргызстандын мамлекет башчысы Алмазбек Атамбаевдин туулган күнү, ал бүгүн 60 жашка толду.
Атамбаевге бүгүн дүйнөнүн булуң-бурчтарындагы мамлекеттердин жетекчилеринен куттуктоолор келип түштү.
Россиянын президенти Владимир Путин Атамбаевге Александр Невский атындагы орден таккан.
