БИШКЕК, 16-сен. — Sputnik. Австралиянын 18 жаштагы жараны (аты айтылган жок) ата-энесин социалдык тармакка анын бала кездеги сүрөттөрүн жүктөп салгандыгы үчүн сотко кайрылды. Бул тууралуу The Local аттуу жергиликтүү интернет басылма жазып чыкты
Доочунун пикиринде 2009-жылдан баштап ата-энеси Интернетке анын 500дөй сүрөтүн жайгаштырышкан. Балалыгындагы сүрөттөрдүн арасында "абдан ачык" сүрөттөр дагы бар болчу.
"Ата-энем кичинемдеги менин жылаңач түшкөн сүрөттөрүмдү жайгаштыруу менен мени коомчулукка уятка калтырды", — дейт арыз жазган кыз.
Ал эми ата-эне сүрөттөрдүн автору болгондуктан, аларды жүктөөгө укуктары бар экенин жүйө келтиришүүдө. Эгер сот кыздын пайдасына чечим чыгарса, ата-энеси акчалай компенсация төлөп бериши керек болот. Соттун биринчи отуруму ноябрь айына белгиленди.
