БИШКЕК, 15-сен. — Sputnik. Баткенде миңге чукул аял катышкан диний маалыматтык түшүндүрүү иш-чарасы өткөрүлдү. Бул туурасында Баткен облустук казыятынын маалымат кызматынын жетекчиси Фуркат Авлиёев кабарлады.
Жыйында облустук казыяттын өкүлү ислам дининдеги аялдын орду боюнча лекция окуду. Буга кошумча аялзатынын үйдөгү, коомдогу орду, келечек муунга туура тарбия берүүдөгү ролу, башка зыяндуу уюмдардан алыс болуусу туурасында айтып беришти.
Жыйында Баткен дубанынын бардык аймактарынан чакырылган аялдар кызыктырган суроолорун берип, учурдагы актуалдуу болуп турган маселелер боюнча маалымат алышты.
