БИШКЕК, 14-сен. — Sputnik. Бишкек шаарындагы Энвер Гареев атындагы ботаникалык бакта республикалык комуз фестивалы өтөрүн Маданият, маалымат жана туризм министрлиги билдирди.
Маалыматка ылайык, фестиваль 17-сентябрда өтөт. Аны Маданият министрлиги менен "Кыргыз Мырзалары" коомдук фонду уюштурууда.
Анын максаты кыргыз элинин улуттук аспабы болгон комузга жалпы элдин жана өзгөчө жаштардын кызыгуусун арттыруу болуп эсептелет.
Фестивалдын алкагында он комузчу кыз менен он комузчу баланын мелдеши болуп, ар кыл сынактар менен коштолот. Андан сырткары, улуттук аспап комуздун көргөзмөсү да уюштурулат.
