БИШКЕК, 14-сен. — Sputnik. Өзбекстандын укук коргоо органдары Кыргызстан менен чектешкен Анжиян облусунун Избаскан районунун аймагында 20 килограммдан ашуун баңгизат табышты. Бул тууралуу Sputnik Өзбекстан облустук ИИБ өкүлүнө таянуу менен жазып чыкты.
"Рейддин жүрүшүндө жеке чарбалык үйдүн кампасынан баңгизат салынган полиэтилен баштыктар табылган", — деп ырастады агенттиктин маектеши.
Анын айтымына караганда жүргүзүлгөн экспресс-анализ баштыктын ичинде 10,2 килограмм героин жана 11,3 килограмм апийим бар экенин тастыктаган. Учурда кылмыш иши козголуп, тергөө иштери жүрүп жатат.
Аналитикалык борбордун берген маалыматына караганда Өзбекстандын чек арасынын бекемделишине байланыштуу үч-төрт жылдын ичинде баңгизатты бекитүү жолу активдешкен. Тагыраагы, транзиттик канал катары баңгизатты ар кайсы жерге бекитүү күчөгөн.
Мындай транспорттоонун түрүнө жүк ташуучу поезддер менен чек ара аймактары кирет. Кылмышкерлер тыюу салынган каражаттарды Афганистанга алып өтүү үчүн чек ара аймактарына көмүп, бекитишкен. Өткөн жылы 50 жерде бекитилген баңгизат табылган.
