БИШКЕК, 13-сен. — Sputnik. Европа биримдигиндеги 28 мамлекеттин Журналисттер тобу Европарламенттин депутаттарынан кеңсе чыгымдары үчүн бөлүнгөн каражаттын эсеп-чотун берүүнү сот аркылуу талап кылууга аракеттерди көрүп жатат. Бул тууралуу РИА Новости агенттиги билдирди.
"Европа парламенти салык төлөөчүлөрдөн алынган 38,7 миллион еврону каалагандай коротуп, анын эсеби алынбайт. Мындай аракет бизди тынчсыздандырат. Анан калса депутаттардын бул каражатты коротуу катардагы көрүнүш дегендей мамилеси кыжырды келтирет", — дейт журналист Наташа Пирк Мусар.
Журналисттер бул каражат максатсыз пайдаланылып жатат деп эсептешет. Депутаттар чыгымдары боюнча журналисттерге маалымат берүүдөн баш тартышкан. Алардын мындай кадамы журналисттерди сотко кайрылууга мажбур кылган.
Европарламенттин депутаттары салыктарды эске албаганда 8 миң 20 евродон айлык алат.
Эгер депутаттарга ай сайын кеңсесин кармоо үчүн бөлүнгөн каражат жоюлса Европа Биримдигинин бюджети 200 миллиондой еврону үнөмдөмөк.
