Кыргызстанда триотлон боюнча экинчи турнир башталды

Жазылуу
Yandex newsTelegram
Беттешке ар кайсы курактагы эркектер менен кыз-келиндер катышат. Алар 750 метр аралыкка сүзүп, 20 чакырымды велосипед менен басып өтүп жана беш чакырымга чуркашат.

БИШКЕК, 11-сен. — Sputnik. Триатлон боюнча экинчи турнир жекшемби күнү Чүй облусунда башталгандыгы тууралуу Жаштар иши, дене тарбия жана спорт мамлекеттик агенттигинен кабарлашты.

"Спринт" дистанциясындагы беттешти Триатлон федерациясы өткөрүп жатат. Дистанция демекчи анын ичине 750 метрлик аралыкка сүзүү, 20 чакырым алыстыкты велосипед менен басып өтүү жана беш чакырымга чуркоо кирет. Жеңиш үчүн ар кайсы курактагы спортчулар күч сынашат. Маселен эркектер "16-29", "30-39", "40-49" жана 50 жаштан өйдө катышса, аялдардын "16-29", жана 30дан жогору жаштагылары катыша алышат.

"Мындан тышкары командалык эстафета үчүн атайын сыйлыктар ойнотулат. Ар бир курама топ үч адамдан түзүлөт. Бул өлкөдөгү эң жаш федерациянын өткөрүп жаткан бешинчи иш-чарасы болуп эсептелет", — деп айтылат маалыматта.

Футбол фанаты. Архив - Sputnik Кыргызстан
Кыргызстандын футбол кубогунун финалдык беттешине билеттер 100 сомдон сатылат
Турнир "Манас" аэропортунан алыс эмес жерде жайгашкан эс алуу борборунда өткөрүлүп жатат.

Триатлон — Олимпиадалык спорттун бир түрү. Ага сууда сүзүү, велосипед жарышы жана чуркоо кирет. Спортчулар көрсөтүлгөн аралыкты эс алуусуз басып өтүшү керек.

Кыргызстандагы Триатлон боюнча федерация 2015-жылдын 1-апрелинде негизделип, Улуттук олимпиадалык комитет менен Эл аралык триатлон боюнча бирикмеси тарабынан таанылган. Триатлон боюнча Азиялык конфедерациянын толук укуктуу мүчөсү болуп эсептелет.

Жаңылыктар түрмөгү
0