БИШКЕК, 5-сен. — Sputnik. Азербайжандан келген спортчу Турал Алиев Көчмөндөр оюнуна катышып жаткан спортчуларга мыкты шарт түзүлгөнүн баса белгиледи.
Алиев — 90 килограммдык салмакта күрөшө турган балбан.
"Биздин өлкөдөн Көчмөндөр оюндарына 56 спортчу келген. Спорттун 14 түрү боюнча күч сынашабыз. Жаңы курулган спорт зал мыкты экен. Спортчуларга абдан жакшы шарттар түзүлүптүр, тамактары да даамдуу экен", — деди спортчу.
Ал азербайжандыктар мыкты жыйынтыктарды көрсөтүп жаткандыгын айтып, буюрса өзү да алтын медалдан үмүт кылып отурганын кошумчалады.
Эл аралык деңгээлдеги иш-чара 8-сентябрга чейин уланат.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиаөнөктөшү болуп саналат.
