Каримов 6 күн бою жасалма дем алдыруучу аппаратта жаткан

© Sputnik / Алексей Мальгавко / Медиабанкка өтүүОоруканадагы врач. Архив
Ооруканадагы врач. Архив - Sputnik Кыргызстан
Жазылуу
Өзбекстандын президенти ооруканага жаткырылгандан бир жумадан кийин дүйнөдөн кайтты. Ал ооруканага эсин жоготкон абалда жеткирилген.

БИШКЕК, 3-сен. — Sputnik. Өзбекстандын өкмөттүк порталы өлкөнүн президенти Ислам Каримовдун оорусу жана өлүмү жөнүндө медициналык бүтүмдү жарыялады. Мамлекет башчысы жума кечинде көз жумган. Улуттук телерадиоканал бул жөнүндө жергиликтүү убакыт боюнча саат 21.45те билдирген. 

Медициналык бүтүмдө Каримов 27-август күнү таңкы саат 9да Саламаттык сактоо министрлигинин медициналык-санитардык бирикмесинин борбордук клиникалык ооруканасына эсин жоготкон абалда жеткирилген. Изилдөөлөр, анын ичинде мээни компьютердик томографиядан өткөрүү бейтаптын мээде кан жүгүртүүсү кескин бузулганын, массивдик субарахноидалдык кан куюлууга (инсультка) кабылганын аныктаган. Артериалдык кан басымы 250/120 мм.рт.ст. түзүп, жүрөгү токтоп калган. 20 мүнөткө созулган кайра жандандыруу аракеттери жүрөктүн кагышын калыбына келтирген. Бейтаптын мээ функциялары кыйындап, аны жасалма дем алдыруу аппаратына которушкан. 

Траурная процессия президента Узбекистана Ислама Каримова - Sputnik Кыргызстан
Каримовдун сөөгү салынган кортежди миңдеген ташкенттиктер Самаркандга узатты
Өкмөттүн маалыматы боюнча, 27-августтан 28ине караган түнү бейтаптын абалы боюнча Россиянын, Германиянын жана Финляндиянын нейрохирургдары, кардиологдору жана реаниматологдору кеңешме өткөрүшкөн. Консилиумдун жыйынтыгы боюнча өзбек адистери андан аркы дарылоонун жолун аныкташкан. Бейтаптын неврологиялык абалы башынан эле атоникалык кома (неврологиялык сатуста: диффузиялык булчуң атония, арефлексия) деп мүнөздөлгөн. Бейтапка үч жолу динамикалык электроэнцефалографиялык изилдөө жүргүзүлүп, анын натыйжасы мээнин биоэлектрикалык активдүүлүгүнө кеткен доо туруктуу сакталып турганын көрсөткөн. 

Интенсивдүү терапиянын жүрүшүндө бейтаптын ички органдарынын функциялары (жүрөк-тамыр, өпкө, бөйрөк, боор) акырындап бузулуп, органдар жашы иштебей калган. 2-сентябрда толук диагностикалык, дарылоо жана интенсивдүү терапияга карабай, саат 20.15те Ислам Каримовдун жүрөгү токтоп калган. Интенсивдүү жандандыруу аракеттери натыйжа берген эмес. Ошентип 20.55те биологиялык өлүм катталды деп айтылат медициналык бүтүмдө. 

Каримовдун өлүмүнөн кийинки абалга божомол тууралуу Sputnik Кыргызстан материалынан окуңуздар>>

Жаңылыктар түрмөгү
0