БИШКЕК, 25-авг. — Sputnik. Япон окумуштуулары көк чай денедеги негизги магистралдык артериянын жарылып кетишин алдын ала турганын аныктап чыгышты. Бул тууралуу РИА Новости Journal of Vascular Surgery басылмасына шилтеме берүү менен жазып чыкты.
Маалыматка караганда денедеги негизги артериянын жарылышы адам менен жаныбардын өлүмүнө алып келет. Мындай көрүнүштөр көбүнчө карыган адамдарда байкалат. Жыл сайын дүйнө жүзү боюнча артериянын жарылышынан 150 миң адам каза табат.
"Мындай дарт аневризм деп аталып, ага кабылуунун белгилери алдын ала байкалбайт. Эгер бейтаптын жолу болуп көөп чыккан тамырлар дарыгер тарабынан байкалып калса, анын ордуна жасалма тамыр салуу керек болот. Башка жол менен дарылоо мүмкүн эмес", — деп билдирди Киото университетинин окумуштуусу Кендзи Минаката.
Алардын изилдөөсү көк чайдын курамындагы полифенол бирикмелери артериялардын жарылып кетишин алдын алаарын көрсөткөн.
Биологдордун айтымында, мындай көрүнүш полифенол бирикмелеринин эластин белогунун бөлүнүп чыгышын активдештиргенине байланыштуу. Мындан тышкары, көк чайдагы пайдалуу заттар күчтүү антиоксидант болгондуктан, артериялардын клеткаларынын өлүмүн азайтат.
