БИШКЕК, 22-авг. — Sputnik. Эл аралык олимпиадалык комитет жаңы зеландиялык Никки Хамблин менен АКШлык жөө күлүк Эбби Д'Агостинону Пьер де Кубертендин медалы менен сыйлады. Бул тууралуу The Guardian басылмасы жазып чыкты.
Эске сала кетсек, жөө күлүктөр топ болуп чуркап келе жатканда жаңы зеландиялык спортчу Никки Хамблин жыгылып кеткен… Артынан келе жаткан америкалык спортчу Эбби Д'Агостино ага чалынып кулаган.
Nikki Hamblin y Abbey D'Agostino protagonizan este buen gesto deportivo en #Río2016 https://t.co/yckvp7Ji9Y pic.twitter.com/RSPz9Rqcjo
— Diario Perú21 (@Peru21pe) 16 августа 2016 г.
Анткен менен ыкчамдык менен тура калган Эбби Д'Агостино чуркап кетпей, жатып калган спортчуга жардамга келген. Экөөсү туруп жарышка түшөр замат Эбби Д'Агостино кайра кулаган. Анткени спортчу биринчи жолу кулаганда бутун кокустатып алганы белгилүү болгон. Ошол замат ага жаңы зеландиялык спортчу кол сунган. Ошентип эки спортчу бири-бирин жөлөп-таяп, марага эң акыркылардан болуп келишкен.
Ал эми америкалык спортчу финалга жаракатынан улам чуркоого катыша албай калса, жаңы зеландиялык Никки Хамблин акыркы болуп келген.
Бул кадамдары үчүн спортчулар өзгөчө медаль менен сыйланышты. Аталган медаль тарыхта 17 гана жолу берилген.
Пьер де Кубертендин медалы спорттук дух үчүн берилүүчү сыйлык болуп саналат.
