БИШКЕК, 22-авг. — Sputnik. Жекшемби күнү "Ислам мамлекети" террордук уюмуна каршы АКШ жетектеген эл аралык коалиция жетекчилигине жаңыдан турган генерал-лейтенант Стивен Таунсенд террочулар бардык жагынан алганда артка чегинип бара жатканын айтты.
"Коалиция жана анын өнөктөштөрү менен "Ислам мамлекетинин" тирандык жана катаал режимин алсыздандырып жана талкалоо үчүн көп иштер жасалды. Жерден жана абадан жасалган биргелешкен аракеттер аталган террордук уюмдун позициясын бир топ артка сүрүп таштады. Мындан сырткары, аларды талкалоо боюнча иштерди бекемдөөгө жардам берди", — деп айткан Таунсенд.
Аталган коалиция Сирия менен Ирактагы "Ислам мамлекетине" сокку уруп келе жатат, бирок бул Сирия аймагында аталган өлкөнүн бийлигинин макулдугусуз жасалууда.
