БИШКЕК, 16-авг. — Sputnik. Новосибирск облусундагы мигранттарга бир катар багыттарда иштөөгө салынган тыюу кыргызстандыктарга тиешеси жок. Бул тууралуу Sputnik Кыргызстан агенттигине Новосибирск облусунун Эмгек министрлигинин маалымат катчысы Наталья Медведева билдирди.
Үч айдын ичинде жумуш берүүчүлөр жогоруда көрсөтүлгөн тармактарда иштеген мигранттарды иштен бошотууга тийиш.
"Мындай чектөөлөр Украина, Тажикстан, Өзбекстан, Азербайжан жана Молдова өлкөлөрүнүн мигранттарына, тагыраагы эмгек патенти менен иштегендерге тиешелүү. Ал эми кыргызстандыктарга визасыз жүрүүгө жана эмгек патенти боюнча катталбаганга уруксат берилген. Буга байланыштуу аларга жогорудагы чектөөлөрдүн тиешеси жок", — деп билдирди Медведева.
Маалымат катчы Кыргызстан Евразия экономикалык биримдиктин мүчөсү экендигин белгиледи.
