БИШКЕК, 9-авг. — Sputnik. Улуттук статистикалык комитет агрардык секторду каттоо иштерин 2018-жылга калтырууну сунуштап жатат. Өкмөттүн токтом долбоору коомдук талкууга коюлду.
Айыл чарба тармагын каттоо иш-чарасы үстүбүздөгү жылдын 1-30-ноябрь аралыгында жүргүзүлүшү керек болчу.
"Жылдык бюджетте айыл чарба тармагын каттоого каражат каралган эмес. Буга ылайык даярдык иштери жетиштүү деңгээлде башталган жок", — деп айтылат маалыматта.
Айыл чарбасын каттоо — айыл чарбанын абалы менен структурасы тууралуу маалымат топтоо акциясы.
БУУнун сатык жана айыл чарба багыты боюнча программасы агрардык тармагы өнүккөн өлкөлөргө 5-10 жыл аралыгында бир ирет каттоо жүргүзүп турууну сунуштайт. Андан алынган маалыматтар агрардык саясат жүргүзүүгө жардам берүүсү керек. Каттоого алуу объектилерге фермердик чарба, жеке ишкерлер, бак чарбасы жана жеке чарбачылыктар кирет.
