БИШКЕК, 6-авг. — Sputnik. Бишкек мэриясы борбор калаадагы 49 көчөнү капиталдык оңдоп-түзөөдөн өткөрүү боюнча Кытай тарап менен макулдашты. Бул тууралуу муниципалитет билдирди.
Маалыматка ылайык, мэр Албек Ибраимов Кытай элчилигине караштуу соода-экономикалык маселелер боюнча кеңешчи Сунь Хэ менен жол оңдоо долбоорун ишке ашыруу тууралуу протоколго кол койду.
Документ боюнча шаардын 49 көчөсү ремонттон өтүп, анын жалпы узундугу 95 чакырымды түзөт. Оңдоп-түзөө иштеринин биринчи фазасына 481 миллион юань же 4,8 миллиард сом каралган.
Долбоор кытай компаниялары менен биргеликте ишке ашат. Мындан тышкары, кытай тарап Бишкекке жол курулушу боюнча адистерин жибермекчи.
Тендер жакын арада жарыяланып, ремонт иштери августтун акырында башталат. Ал эми жумуштун сапатын кыргыз-кытай комиссиясы текшерет.
Бишкектин "өлгөн" көчөлөрүн Sputnik Кыргызстандын интерактивдүү картадагы сүрөттөрдөн көрүңүз>>
