БИШКЕК, 5-авг. — Sputnik. Алматыда Экинчи дүйнөлүк көчмөндөр оюндарын тааныштыруу иш-чарасы өтөт. Бул тууралуу Sputnik Кыргызстан агенттигине Дүйнөлүк көчмөндөр оюндарынын катчылыгы билдирди.
Иш-чараны Көчмөндөр оюндарынын катчылыгы уюштурууда.
"Иш-чарага жергиликтүү тарыхчылар, окумуштуулар, коомдук ишмерлер жана мамлекеттик эмес уюмдардын өкүлдөрү катышып, көчмөндөрдүн орду, тарыхы тууралуу кеп болот", — деп айтылат маалыатта.
Бет ачар аземи Алматы шаарындагы спорт жана туризм академиясында саат 11:00до башталат.
Дүйнөлүк көчмөндөр оюну ушул жылдын 3-8-сентябрында Ысык-Көлдө өтүп, спорттун 23 түрү боюнча күч сынашуу жүрөт.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү болуп саналат.
