БИШКЕК, 5-авг. — Sputnik. Эми таксини чакан шаарлар менен айыл жерлеринде дагы чакырууга болот.
Кыргызстанда айдоочуларды интернет аркылуу чакыруучу KeyDriver тиркемесин иштеп чыгышты.
Мында атайын тиркеменин жардамы менен диспетчерсиз эле унаа чакыруу каралган.
"Бул нерсе жүргүнчүлөргө дагы, айдоочуларга да ыңгайлуу", — дейт иштеп чыгуучалар.
Аталган тиркеменин жардамы менен эми Бишкек, Ош, Кара-Балта, Токмок, Сокулук, Кант, Каракол, Кара-Суу, Өзгөн, Кадамжай, Баткен, Чолпон-Ата, Талас, Нарын, Жалал-Абад ошондой эле Ат-Башы, Аксы, Сузак райондорунда такси чакырса болот.
Ошондой эле айдоочуну жана автоунааны тандоого мүмкүн экенин иштеп чыгуучулар белгилешет.
